Viðhaldsþjálfun hjarta- og lungnasjúklinga er hópþjálfun fyrir einstaklinga með hjarta- æða- og lungnasjúkdóma eða aðra þá sem eru með áhættuþætti tengda þessum sjúkdómum. Tilgangurinn er að bæta líkamlegt og andlegt þrek, auka starfsorku, hægja á þróun sjúkdómsins og fækka endurteknum áföllum og/eða innlögnum. Einstaklingsbundin þjálfunaráætlun er byggð upp þar sem skýr mörk eru sett um álags- og púlsmörk. Jafnframt er einstaklingnum kennt að meta eigin getu og þannig gerður ábyrgur í þjálfuninni.

Nýir þátttakendur þurfa að hafa samband við leiðbeinanda áður en þjálfun hefst.
Beiðni er tilskilin. Hægt er að byrja í hópnum hvenær sem er.